Олимпия ойындарына қатысатын футболшылардың жасына байланысты шектеу өзгертілді. Енді айтулы додаға 24 жасқа дейінгі ойыншылар қатыса алады.
Яғни, келесі жылы тОкиода алауы тұтанатын Олимпиадада 1997 жылдың 1 қаңтарынан кейін дүниеге келген аяқ доп шеберлерінің жасыл алаңға шығуға құқығы бар. Сонымен қатар, әр командаға жасы 24-тен асқан тағы үш футболшыны ойынға қосуға рұқсат етіледі.
Токио Олимпиадасында 16 команда бақ сынайды. Олар – Аргентина, Бразилия, Франция, Германия, Испания, Румыния, Жаңа Зеландия, Мысыр, Кот-д"Ивуар, ОАР, Аустралия, Сауд Арабиясы, Оңтүстік Корея және Жапония. Және де тағы екі КОНКАКАФ аймағында өтіп жатқан іріктеу турнирінің қорытындысы бойынша анықталады.