Шымкент қалалық полиция департаментінің Instagram әлеуметтік желісінің тікелей эфирінде патрульдік полиция полкінің қызметкерлерінен құралған «Полиарт» тобы шағын концерт ұйымдастырды. Карантинде үйде отырған шаһар тұрғындарына көтеріңкі көңіл-күй сыйлауды мақсат тұтқан онлайн концертті көрермен жылы қабылдады.
Естеріңізге салар болсақ, аталған үштік 8 наурыз мерекесі карсаңында қаламыздағы Арбатта нәзік жандыларға арнап ән шырқап, тұрғындардың сүйіспеншілігіне ие болған.
Полицейлер тікелей эфирде көрермендердің сұранысы бойынша жеті ән шырқады. Сонымен қатар, полиция қызметкерлері азаматтарды төтенше жағдай режимін және барлық сақтық шараларын сақтауға шақырып, түсіндірме жұмыстарын жүргізді.
Тікелей эфир кезінде көрермендер талантты орындаушыларға алғыстарын білдірді.
Шымкент