Бұл туралы Орталық коммуникациялар қызметінің алаңында өткен халық алдындағы есеп беру кездесуінде Ақпарат және қоғамдық даму министрі Аида Балаева мәлім етті, - деп хабарлайды Egemen.kz.
"2020 жылы мемлекеттік әлеуметтік тапсырыс аясында мемлекеттік органдар жалпы 18 млрд теңгеге 2 мыңнан астам әлеуметтік жобаны жүзеге асыруды жоспарлап отыр. ҮЕҰ белсенді қатысуымен азаматтық қоғамды 2025 жылға дейін дамыту тұжырымдамасының жобасы әзірленді. Ол еріктілікті, қайырымдылықты, медиацияны, жергілікті өзін-өзі басқаруды, Мемлекеттік әлеуметтік тапсырысты және Азаматтық бақылау тетіктерін дамыту бөлігінде нормативтік базаны өзгертуді көздейді", - деді Аида Балаева.