COVID-19 індетіне байланысты Олимпия ойындары кейінге шегерілгеннен соң Халықаралық гимнастика федерациясы жарыс күнтізбесіне өзгеріс енгізді, деп хабарлады ҰОК баспасөз қызметі.
Жаңартылған күнтізбеге сәйкес, көркем гимнастикадан бірінші әлем кезеңінің өтетін уақыты белгілі болды. Бастапқыда аталған додалар кейінге шегерілген болатын. Нәтижесінде, барлық кезең 2021 жылға ауыстырылды.
Кесте бойынша келесі жылғы әлем кубогының жарыстары мына қалаларда өтеді: София (Болгария) – 2021 жылдың 9-11 сәуірі, Ташкент (Өзбекстан) – 2021 жылдың 16-18 сәуірі, Баку (Әзербайжан) – 2021 жылдың 7-9 мамыры, Песаро (Италия) – 2021 жылдың 28-30 мамыры.