Араға бес ай салып қайта жалғасқан футболдан Чемпиондар лигасының 1/8 турнирінің кездесулері аяқталып, ширек финалға шыққан сегіз команда белгілі болды.
Атап айтар болсақ, Италияның «Аталанта», Францияның ПСЖ және «Лион», Германияның «РБ Лейпциг» және «Бавария», Англияның «Манчестер Сити», Испанияның «Атлетико» және «Барселона» клубтары жартылай финалдың жолдамасын сарапқа салады. 1/8 финалдың матчтары бұрынғы ереже бойынша алаң қожайындарының стадионында өтсе, ширек финал, жартылай финал және финалдық матчтары енді Португалия астанасы Лиссабон қаласында өтеді. Командалар әдеттегідей екі ойын емес, бір матч ойнайды.
Португалияда өтетін 1/4 финалда «Аталанта» – ПСЖ (13 тамыз), «РБ Лейпциг» – «Атлетико» (14 тамыз), «Барселона» – «Бавария», «Манчестер Сити» – «Лион» (15 тамыз) командалары бақ сынайды. Матчтар Нұр-Сұлтан уақыты бойынша 01:00-де басталады.