Нұр-Сұлтан қаласы Дүниежүзілік туризм және саяхат кеңесі жариялаған планетада саяхаттауға қауіпсіз 100 мекен тізіміне енді. Бұл туралы Travel Daily Media басылымы хабарлады.
Басылымның жазуынша, Дүниежүзілік саяхат және туризм кеңесі (WTTC) үш ай ішінде «қауіпсіз саяхат» мәртебесін алған 100 бағыт туралы жариялаған. Оған ТМД елдерінен Қазақстан, Ресей және Украина кірген. Филиппиннің барлық қалалары саяхаттауға қауіпсіз деп танылған. Ал қауіпсіз саяхат (Safe Travels) белгісі Қазақстан қалалары ішінен тек елордамыз Нұр-Сұлтан қаласына ғана берілді.
Сонымен қатар Дүниежүзілік саяхат және туризм кеңесі бекіткен қауіпсіз саяхат орындарының тізіміне Түркия, БАӘ, Мальдив аралдары, Бермуд және басқа да танымал курорттық бағыттар бар.