Жуырда ғана кәсіпқой бокстағы кезекті жекпе-жегін өткізіп, қарсыласын екінші раундта сұлатып салған жерлесіміз Жәнібек Әлімханұлына (9-0, 5 КО) жекпе-жек өткізуге тыйым салынды.
Боксшылардың статистикасын жүргізетін Boxrec.com порталының хабарлауынша, Невада штатының атлетикалық комиссиясы 27 жастағы қазақстандық боксшыны осы жылдың 24 қазанына дейін жекпе-жектен уақытша шеттеткен. Ол нокаутқа жіберген аргентиналық Гонсало Кориа (16-4, 6 КО) 9 желтоқсанға дейін шаршы алаңға шыға алмайды.
Еске сала кетейік, Жәнібек Әлімханұлы 10 қазанда аргентиналық Гонсало Кориамен жекпе-жек өткізіп, жеңіске жеткен еді.