Экология министрлігімен Ақтөбе облысы кәсіпорнындағы тексеру қорытындысы бойынша экологиялық заңнаманың өрескел бұзушылықтары анықталды. Бұл туралы министрліктің баспасөз қызметі хабарлады.
Ақтөбе облысы Алға ауданы Бестамақ ауылының тұрғындары "Парижская коммуна XXI" ЖШС мал шаруашылығы кәсіпорнының қызметіне қатысты аймақтың экология департаментіне шағымданды.Жақында жүргізілген жоспардан тыс тексеру барысында, қазылған траншеяларда биологиялық және құрылыс қалдықтарын ішінара көму арқылы аралас түрде орналастыру фактісі анықталды. Орналастыру алаңы 5,6 га құрады.Бұл ретте, экологиялық жобада жануарлардың қалдықтарын қайта өңдеу көзделген. Жобалық құжаттамада ағынды суларды тазалауға арналған жабдық та жоқ. Ағызу Байбақты өзенінің арнасына тазартусыз жүзеге асырылған. Топырақ сынамаларының химиялық талдауы алаңда ластаушы заттардың 26 мың м2 астам концентрациясының артуын көрсетті.Сонымен қатар, 40 мың бас шошқаға арналған мал шаруашылығы кешенінде 51 мыңнан астам бас болған.Анықталған экологиялық заңнаманы бұзғаны үшін Департаментпен кәсіпорын қатынасына 11 әкімшілік іс қозғалды. Сондай-ақ, сұратылған мәліметтерді беруге кедергі келтіргені үшін 3 әкімшілік хаттама толтырылды.Аталған факті бойынша қылмыстық іс қозғалды. Қазіргі уақытта, кәсіпорынның қоршаған ортаға келтірген залалдарының сомасы есептелуде. Бұдан басқа, қалдықтарды орналастыру және сарқынды суларды ағызу бөлігінде ЖШС қызметін тоқтата тұру туралы талап арызға бастама жасалатын болады.