Теміржолшылар ковидке қарсы санитарлық талаптарды сақтай отырып, осы жылдың бірінші тоқсанында темір жол төсеміне жақын жерде тұратын тұрғындар арасында темір жолдарда болу қаупі туралы 840-тан астам алдын алу әңгіме өткізді.
Станса мен депо қызметкерлері темір жолда болу ережелерін үнемі түсіндіріп отырады. Іс-шараның басты мақсаты – қауіпті аймақта азаматтардың жарақаттануы жағдайларының алдын алу. Теміржолшылар темір жолды белгіленбеген жерден кесіп өтетін адамдар шойын жолдың бойында апат тудыратынын айтады. Бейқам жаяу жүргінші үшін жолдың қысқаруы уақыт үнемділігі емес, ауыр зардаптарға әкеледі. Желілік полиция, әскерилендірілген күзет, магистралдық желі қызметкерлерімен бірлесіп, қаңтар-наурыз аралығында темір жолдар арқылы адамдардың жаппай өтуіне рұқсат етілмеген орындарға 380-ге жуық рейд жүргізілді. Алғашында тәртіп бұзушыларға ескерту жасалды. Сонымен қатар оларға темір жолдың қауіптілігі жоғары аймақ екендігі туралы дәрістер оқылды. Темір жолдармен жүруге тыйым салынады, бұл үшін арнайы белгіленген және жабдықталған орындардан: жаяу жүргіншілер өткелдерінен, көпірлерден, тиісті белгілермен белгіленген жерлерден ғана өту керек.
Темір жол жанында құлаққап киюге, жылжымалы құрамның астынан өтуге, келе жатқан немесе жөнелтілген пойыз жанымен жолаушылар платформасы бойымен жүгіруге, вагондарға жабысуға тыйым салынады.
Ұқыпсыздық пен темір жол ережелерін сақтамау денсаулықтан айырылу мен өлімге әкелуі мүмкін.