Қазақстандық теннисші Зарина Диас Парижде өтіп жатқан Ролан Гаррос турнирінің үшінші айналымына шыға алмады, деп хабарлайды Egemen.kz.
Тұсаукесер кездесуінде ұлыбританиялық Хитер Уотсонды ұтқан жерлесіміз екінші кезеңде WTA турнирлерінде алты рет топ жарған әлемнің 15-ші ракеткасы, бельгиялық Элисе Мертенспен кездесті.
Алғашқы сет Зарина Диастың пайдасына шешілгенімен, одан кейін қарсыласы «қаһарына мініп», жеңісті біздің қыздың уысынан жұлып әкетті. Есеп – 6:4, 2:6, 4:6.