5 маусым күні елімізге халықаралық авиарейстермен 5153 жолаушы келді, деп хабарлайды Egemen.kz.
2021 жылдың 5 маусымында Қазақстан Республикасының аумағына Германия, БАӘ, Мысыр, Македония, Түркия, Грузия, Украина, Беларусь Республикасы,Ресей Федерациясы, Қытай, Тәжікстан, Өзбекстан және Қырғызстаннан 39 халықаралық әуе рейсі келді. Өткен тәулікте 5 153 авиажолаушы келді. Оның ішінде: Алматы қаласының әуежайына – 20 рейс, 3012 жолаушы; Нұр-Сұлтан қаласының әуежайына – 11 рейс, 1172 жолаушы; Шымкент қаласының әуежайына – 2 рейс, 295 жолаушы; Ақтау қаласының әуежайына – 3 рейс, 164 жолаушы, Ақтөбе қаласының әуежайына - 1 рейс, 184 жолаушы, Қостанай қаласының әуежайына - 1 рейс, 188 жолаушы, Түркістан қаласының әуежайына - 1 рейс, 138 жолаушы.
Барлық жолаушылар COVID-19-ға ПТР тестілеу туралы анықтамамен келген, деп хабарлады Санитариялық - эпидемиологиялық бақылау комитеті өкілдері.