Әлеуметтік қолдау жалғаса береді

Министр сөзінің басында 2020 жылы мемлекеттің барлық әлеуметтік мін­дет­те­мелері толық көлемде орын­дал­ғанын хабарлады. Зейнетақылар, жәрдемақылар уақытында төленді, азаматтарға әлеуметтік қолдау шаралары көрсетілді.

Сондай-ақ ол Мемлекет бас­шысының тапсырмасын орындау мақсатында 2020 жылы азаматтарды қолдау үшін зейнетақы тө­лемдері мен мемлекеттік жәрдем­ақылар мөлшері екі есеге арт­қанын атап өтті. Ын­ты­мақты зейнетақының өсімі 12%-ды, ал базалық зейнетақы мен мемле­кеттік жәрдемақылардың өсімі 10%-ды құрады. 2021 жылғы 1 қаң­тардан бастап зейнетақы мен жәрдемақы қайтадан индекстелді. Нәти­жесінде, ынтымақты зейнет­ақы 7%-ға, базалық зейнетақы мен мемлекеттік жәрдемақы 5%-ға өсті.

Мемлекет басшысының тапсырмасы бойынша азаматтарға зейнетақы жинақ­та­рының бір бөлігін тұрғын үй жағдай­ларын жақ­сартуға, емделудің ақысын тө­леуге немесе жеке компа­ния­лардың бас­қа­руына беруге мақ­сатты пайдалану мүм­кін­дігін беру бойынша жұмыс жүр­­гізіл­ді. Зейнетақы жинақтарының бір бө­лігін алу құқығын БЖЗҚ-ның шама­­мен 1 млн салымшысы пайдалана алады. 2021 жылғы 4 маусымдағы жағдай бойынша 1,4 трлн теңге сомасына біржолғы зейнетақы төлемдеріне 313,6 мың өтініш мақұлданды.

2020 жылы міндетті әлеу­мет­тік сақтан­ды­ру жүйесімен жұмыс істейтін 6,3 млн азамат қам­тылды. 2020 жылдың 1 қаң­тарынан бастап әлеуметтік сақ­тандыру жүйесінде еңбек өтілі мен әлеуметтік тө­лемдер мөл­шері арасындағы өзара бай­ланыс күшейтілді. Нәтижесінде, әлеу­мет­тік қатер туындаған кезде әлеуметтік төлемдер мөлшері орта есеппен 50%-ға арттырылды. Оның ішінде еңбек ету қабі­ле­тінен айырылу жағдайына төлем­дер­дің өсімі 69%, асыраушыдан айырылу бойынша 41% және жұмыстан айырылу бойынша 44%-ды құрады.

Сонымен қатар ведомство басшысы төтенше жағдай режі­мі және Covid-19 пандемиясы­на байланыс­ты карантиндік шек­теу шаралары кезеңінде ұйым­дастырылған әлеуметтік қолдау шаралары туралы айтып берді.

– Алғаш рет мемлекеттік әлеу­меттік сақтандыру қорынан әлеуметтік төлемдер енгізілді. Бірін­шіден, қызметін шектеуге байланысты табысынан айы­рылған аза­маттар үшін ең төменгі жалақы мөлше­рін­де төлемдер енгізілді. ТЖ және карантин кезеңінде оларды 476 млрд теңге сома­сына 4,6 млн адам алды, екін­шіден, жұмыста Сovid-19 жұқ­тырған дәрігерлерге және ме­дицина қызметкерлері қайтыс болған жағ­дайда олардың отбасыларына төлем­дер қарастырылды. 9,5 мың адам 20,5 млрд теңге сомасында төлем алды. Бұдан басқа ай сайын әлеуметтік жағынан осал санаттардағы 1 млн-нан аса азамат жал­пы сомасы 25 млрд тең­геге азық-түлік жиынтығы түрін­де қолдау алды. Инфек­ция­ның көбею қаупін азайту үшін 600 мың­нан аса адамға атаулы әлеумет­тік көмек тағайындау, мүге­дек­тікті белгілеу және мүге­дек­тігі бар 55,5 мың адамға жәр­де­м­а­қы төлеу мерзімдері автомат­ты түрде ұзар­тылды, – деді министр.

«Еңбек» мемлекеттік бағ­дар­­ламасы аясында 2020 жылы 650 мыңға жуық адам қамтыл­ды, олар­дың 319 мыңы тұрақты жұмыс орындарына орналас­ты­рылды. 70 мыңнан аса адам қысқа мерзімді курстарда оқумен және техникалық-кәсіптік білім­мен қам­тылып, 33 мың адам «Бас­­тау Биз­нес» жобасы бойын­ша кә­сіпкерлік негіздеріне оқытылды.

Кәсіпкерлік бастамаларды қолдау үшін 13 мыңға жуық жеңіл­дікті микрокре­дит және жаңа бизнес-идеяларды іске асыруға 45 мың қайтарымсыз мемлекеттік грант берілген. Оның ішінде 1,4 мың микрокредит көпбалалы жә­не аз қамтылған отбасыларға беріл­ген. Микрокредит алушылар 13,7 мың қосымша жұмыс орнын ашты.

Сондай-ақ өткен жылы «Жұ­мыс­пен қам­тудың жол картасы» дағдарысқа қарсы бағдарламасы аясында 239 мың адам жұмысқа орналастырылған, олардың көп­ші­­лігі – халықты жұмыспен қамту ор­та­лық­тарында тіркелген жұмыс іздеуші­лер мен жұмыссыздар. ЖҚЖК аясында 6,7 мың әлеу­мет­тік маңызы бар нысан іске қосылған.

Биыл ЖҚЖК-ны іске асыруға 300 млрд теңге қарастырылған, олар төрт негізгі бағытқа бағыт­талады: халықтың өмір сүру сапасын арттыру, ШОБ үшін қар­жыландырудың қолжетімділігін арттыру, сондай-ақ өңірлерде агро­өнеркәсіптік кешен мен биз­несті дамыту. Осы бағыттар аясында шамамен 41 мың жұмыс орны құрылады, олардың 69%-ы тұрақты жұмыс орындары болады.

С.Шәпкенов атап өткендей, бөлінген қаражаттың 42,5%-ы (127,5 млрд теңге) халықтың өмір сүру сапасын арттыруға бағыт­та­лады. Шамамен 33,3%-ы (100 млрд теңге) агроөнеркәсіптік ке­шенді дамытуға және 24,2%-ы (72,5 млрд теңге) өңірлерде бизнесті дамытуға және «Атамекен» ҰКП мен жергілікті атқарушы орган­дардың қатысуымен микроқаржы ұйымдары арқылы микрокредит беруге пайдаланылады.