АҚШ Иран нысандарына зымыран жіберді

Жексенбі күнгі мәлімде­ме­сінде АҚШ әскері нысана ретінде Сириядағы бірнеше нысан мен оқ-қару қой­масын, Ирак­тағы бір нысанды көздегенін хабар­лады. Мәлімдемеде шабуылдың салдарынан қанша адамның қа­за тапқаны туралы ақпарат беріл­меді. Дегенмен Сириядағы адам құқықтары мәселесін қа­­дағалайтын британиялық ұйым оқиғадан ең кемі бес адамның көз жұмғанын, бірнеше кісінің жара­қат­танғанын мәлім­деді. Сириялық SANA мемлекет­тік ақ­па­рат агенттігі 3 адамның және 1 баланың өлтіріл­генін жазды. Бұл тапсырманы президент Джо Байденнің өзі берген. Бес ай бұрын сайланған президент осымен екінші рет Иранға шабуыл жасауды бұйырған. «АҚШ қажет, орынды шешім қабылдап отыр. Бұл эскалация тәуекелін төмендетеді. Сонымен қатар осылайша ашық үндеу тастады», деді Пентагонның баспасөз хатшысы Джон Кирби. «Нысанның Иранға тиесілі бо­луы­ның да себебі осында» деп түсіндірді Кирби. Ирак полициясы болса, The Associated Press басылымына ел астанасы Бағдатта 4 полицейдің қаза болғанын хабарлапты. Оқиға Сириямен шектесетін аймақта болған. Марқұмдар Иран тарапын қолдаған көрінеді. Ирак по­лициясы «біз өз халқымызды қор­ғаймыз және кез келген жағ­дайға жауап беруге да­йынбыз» деп отыр. Жыл басталғалы Ирак АҚШ-қа қарсы 40 ша­буыл жасаған көрінеді. Осы оқиғалардан соң Ислам мемлекетіне қарсы іс-қимыл жүргізген АҚШ-тың екі 500 жауынгері кері қайтарылған. Иран Сыртқы істер министрі Саед Хатибзаде бұл шабуылға қатысты пікір білдірді. «АҚШ аймақтағы қате саясатын әлі де жалғастырып келеді. Бүгінгі ша­буыл бұған дейінгі президенттің санкциясы ғана емес, қате сая­саты әлі де қолдау тауып отырғанын көрсет­ті», деді ол. Бүгінгі таңда Иракта АҚШ-тың 2 500 жауынгері бар. Reuters агенттігіне сұхбат берген АҚШ-тың екі өкілі Иран әскері де қар­сы жауап беріп, 5 зымыран жі­бергенін айтты. АҚШ F-15 пен F-16 жойғыш ұшақтарын жіберген екен. Бір қызығы, Байден әкімшілігі Иранмен 2015 жылғы ядролық келісімін қайта қолға алғысы келеді. Сарапшылар бұл тұрғыда Иранға сенуге болмайтынын ескертеді. Ал басқарусыз ұшақ­тармен жасалған шабуыл арқылы Иран еш уақытта Ирак пен Сирияда АҚШ-тың болуын қолдамайтынын білдірді деп түсіндіреді. Дегенмен Байденнің өзі соңғы әскери әрекетке қатысты пікір айтудан бас тартты. АҚШ Қорғаныс министрінің бұрынғы хатшысы Лоуренс Корб шабуылды «Байденнің жанама үндеуі» деп болжайтынын айтты. Мұны ол Байден көксеген ядролық келісімді қайта қарастыруға себеп дейді. «Бұлай деуге негіз көп. Өйткені ол алғашқы соққыны қызметіне ресми кіріскеннен кейін бір айдан кейін жасады. Менің ойымша, бұл тегін емес және оны белгі ретінде қабылдау керек. Ядролық келісімнің 7-раунды қарсаңында тағы бір соққының ұйымдастырылуы да тегіннен емес», деді ол. Ирак үкіметі болса, амери­калық әскердің зымыра­нына шабуыл жасап, жергілікті демократ белсенділерді өлтір­ген Иранмен идеологиялық байланысы бар топтармен күресуде.Маусымның басында Иранды қолдайтын Ирак милициясының қолбасшысы Қасым Муслих террор­лық шабуылдарға қатысы бар деп айыпталып, тұтқын­дал­ды. Үкімет үйін тінту кезінде қажетті дәлелдер табыл­ған. Конгрестің өкілдер палата­сының спикері Нэнси Пилоси өз мәлімдемесінде «АҚШ шабуылы белгілі бір қауіпке қарсы мақсатты әрекет болып саналады. Біздің тәуелсіздігіміздің сақшылары – қаһармандарды қорғау негізгі басымдығымыз» деді.