Словенияда үстел теннисінен өткен халықаралық турнирде қарағандылық Алан Құрманғалиев сәтті өнер көрсетті. Жас талант Еуропа, Азия және Американың 20 елінен келген теннисшілер арасында қола жүлдеге қол жеткізді.
Он бес жастағы біздің теннисші алты кездесу өткізіп, соның бесеуінде жеңіске жеткен екен.
Алан Құрманғалиев – 14 жасында Қазақстанның чемпионы болып, бұған дейін 15 жасында ең жас жеңімпаз атанған Кирилл Герасименконың рекордын жаңартқан талантты теннисші.
Еске салар болсақ, Халықаралық үстел теннисі федерациясы (ITTF) Hopes Week аясындағы құрлықаралық және әлемдік турнирлердің қорытындысы бойынша Алан Құрманғалиевті 2019 жылдың ең үздік жасөспірім теннисшісі деп таныған болатын.
«Ең басты арманым, – дейді ел үстел теннисінің үміті Алан Құрманғалиев, – Олимпия ойындарында жүлдегері атану. Мен осыған бар күшімді саламын».
Дарынды жас үстел теннисімен жеті жасынан бері айналысады. Қазіргі уақытта ол Қазақстанның еңбек сіңірген жаттықтырушысы Эльмира Әлиеваның қарамағында жаттығады.
ҚАРАҒАНДЫ