Камчаткада жоғалып кеткен тікұшақтың сынықтары Елизов ауданындағы Острой тауында табылды, деп хабарлайды Egemen.kz Интерфаксқа сілтеме жасап.
«Ұшақ сынықтары тау аймағынан табылды. Әзірге тікұшақ бортындағы адамдардың тағдыры туралы ештеңе белгісіз», деп жазылған хабарламада.
Бұған дейін әуе қозғалысын басқару қызметіндегілер Ка-27 тікұшағы Камчатка аумағында жоғалып кеткенін хабарлаған. Тікұшақ бортында үш адам болды деген болжам бар.