Әскери көтерілістен кейін таратылған Судан үкіметінің басшысы Абдулла Хамдук өз міндетіне қайта оралады, деп хабарлайды Egemen.kz «Анадолы» агенттігіне сілтеме жасап.
Судандық ақпарат құралдарының хабарлауынша, Хамдук қазан айында билікті басып алған әскерилермен, Судан егемендік кеңесінің мүшелерімен тиісті келісімге келген.
Келісімге сәйкес, Хамдук биліктен қуылған Омар әл-Башир президенттігі кезіндегі билеуші партия Ұлттық конгресстен басқа барлық саяси күштермен кеңескеннен кейін үкіметті қайта құрады.
Әскерилер мен Хамдук бірқатар мәселелерде, соның ішінде барлық саяси тұтқындарды босату туралы келісімге келді.