АҚШ қарулы күштері Сирияда «Аль-Каида» террористік тобының белсенді мүшесіне қарсы шабуыл жасады. Салдарынан бейбіт тұрғындар арасында қайтыс болғандар болуы мүмкін, деп хабарлайды Egemen.kz Fox News-ке сілтеме жасап.
«АҚШ күштері Сирияның Идлиб аймағында «Аль-Каиданың» белсенді жетекшісіне қарсы кинетикалық соққы жасады», деді елдің Орталық қолбасшылығының өкілі капитан Билл Урбан.
Ол бастапқы талдау бойынша бейбіт тұрғындардың зардап шегуі мүмкін екендігі жоққа шығарылмайтынын айтты. «Бұл оқиға бойынша тергеу басталды», деп түйіндеді ойын капитан.