Үндістанда әскери қызметшілер тарапынан қате жүргізілген арнайы операцияның салдарынан 14 адам көз жұмды, деп хабарлайды Egemen.kz.
Нагалендтегі әскери бөлімше тыйым салынған ұлттық-социалистік кеңестің мүшелерін басып алды, бірақ қателесіп шахтерлер жұмыстан оралған жүк машинасына оқ жаудырды.
Жоспарда жоқ атыстың салдарынан алты адам бақиға аттанды. Ашуланған жергілікті тұрғындар әскери қызметшілерге қарсы шабуыл ұйымдастырды. Олар өзін-өзі қорғау мақсатында қарсы оқ жаудырды. Нәтижесінде тағы жеті бейбіт тұрғын мен бір әскери адам қайтыс болды.