Алдағы жексенбіде АҚШ-та өтуі тиіс болған Батыр Жүкембаевтың (18-1, 14 КО) жекпе-жегі 17 желтоқсанға ауыстырылды.
Отандасымыз АҚШ-тың Спрингфилд қаласындағы кеште мексикалық Хуан Хосе Мартинес Альвареспен (28-10, 20 КО) кездесуі керек еді. Бірақ кездесу бір аптадан кейін Монреальда (Канада) ұйымдастырылатын болды. Канададағы бокс кешінің басты айқасында жартылай ауыр салмақтағы IBF және WBC белбеулерінің иегері ресейлік Артур Бетербиев (16-0, 16 КО) пен америкалық Маркус Браун (24-1, 16 КО) жұдырықтасады.