Жартылай ауыр салмақ дәрежесіндегі әлемнің бұрынғы чемпионы, ресейлік Сергей Ковалев күтпеген мәлімдеме жасады, деп хабарлайды Egemen.kz.
АҚШ-тың Нью-Йорк қаласында өткен бокс кешін тамашалаған Сергей Ковалев бірнеше ютуб арнаға сұхбат беріп үлгерді. Ол блогерлерді қызықтырған сауалдарға ашық үн қатты.
«Сауль «Канело» Альварестің бірінші ауыр салмаққа ауысатыны туралы хабарды естідім. Олай болса мен де келесі жылы бірінші ауыр салмақта рингке көтерілемін. Екеуміз шаршы алаңда кездессек, мен оны ойсырата ұтамын», деді ресейлік боксшы ашуға булығып.
Естеріңізге сала кетейік, 2019 жылдың қараша айында Сергей Ковалев мексикалық Сауль Альварестен нокаутпен жеңілген болатын.