Әуесқой бокспен қатар кәсіпқой бокста да жұдырықтасып жүрген отандасымыз Қамшыбек Қоңқабаев (4-0, 3 КО) Дүниежүзілік бокс қауымдастығы (WBA) рейтингіндегі көрсеткішін айтарлықтай жақсартты.
Бірінші ауыр салмақтағы WBA Gold тұжырымы бойынша чемпиондық белдікті жеңіп алған Қоңқабаев осы ұйымның рейтингінде тоғызыншы орыннан төртінші орынға дейін көтерілді. Әзірше бұл салмақтың көшін кубалық Юниэль Дортикос (25-2, 23 КО), ресейлік Алексей Егоров (11-0, 7 КО) және Швеция өкілі Баду Джек (25-3-3, 15 КО) бастап тұр.
Айта кетейік, Қ.Қоңқабаев 2021 жылдың желтоқсанында Алматыдағы бокс кешінде британиялық Стивен Уордты (13-2, 4 КО) техникалық нокаутпен жеңіп, WBA Gold титулын жеңіп алған еді.