Танымал Futsalplanet.com интернет басылымының нұсқасы бойынша футзалдан Қазақстан ұлттық құрамасы 2021 жылдың ең үздік командасы атағынан үміткерлердің қатарына енді.
Сонымен қатар бұл номинациядан үміткерлер қатарында Қазақстаннан бөлек, Аргентина, Босния және Герцеговина, Иран, Жапония, Марокко, Португалия, Словакия, Өзбекстан мен Венесуэла құрамалары бар. Айта кетейік, былтыр футзалдан Қазақстан құрамасы өз тарихында тұңғыш рет әлем чемпионатының үздік төрт командасының қатарынан көрінген еді.
Сондай-ақ футзалдан Қазақстан құрамасының бас бапкері Рикардо Кака былтырғы жылдың «Ең үздік құрама бапкері» аталымына, ал «Қайрат» және ұлттық құрама қақпашысы, әлемнің бес дүркін үздік қақпашысы Игита кезекті рет жылдың үздік қақпашысы атағынан үміткерлердің қатарына енді.