Ағылшын премьер-лигасындағы кейінге қалдырылған «Бернли» мен «Уотфорд» арасындағы кездесудің уақыты белгісіз мерзімге тағы шегерілді, деп хабарлайды Egemen.kz.
Бұл жолы «Бернли» футбол клубының жетекшілері АПЛ басшылығына өтінішпен қайырылған. Бас бапкер Шон Дайчтың сөзіне сенсек, командада дәл қазір жасыл алаңға шығуға қабілетті бар болғаны 10 футболшы бар екен. Ал премьер-лиганың регламентінде команда ойынға кем дегенде 13 алаңдағы футболшыны және бір қақпашыны ұсынуы керек.
Естеріңізге сала кетейік, бұл ойын желтоқсан айында өтуге тиіс болған. Алайда ол кезде «Уотфорд» футболшыларының басым көпшілігі коронавирус індетімен ауыруына байланысты ойын кейінге қалдырылған еді.