Италиялық «Ювентус» футбол клубының ойыншысы Пауло Дибала испаниялық «Барселона» футбол клубына ауысуы мүмкін, деп хабарлайды Egemen.kz.
Соңғы деректерге сенсек, аргентиналық футболшының өзі «Барселона» жейдесін киюге қызығушылық танытып отырған көрінеді. Сондай-ақ каталониялық ұжымның өкілдері футболшының агентімен байланыс орнатып үлгерген. Туриндік «Ювентус» командасының басшылығы Дибалаға жалақысы төмендеу келісімшарт ұсынғаннан кейін-ақ футболшы команда ауыстыру мәселесін қарастыра бастаған болатын. Қысқасы Пауло Дибала жаңа маусымда «Ювентус» сапында қалмайтын секілді.