Бейбіт өмірдің ауылы алыс болып тұр

Ұлыбританияның сыртқы іс­тер министрі Лиз Трасс Telegraph газе­тіне бер­ген сұхбатында Ресей­ге салынған санк­цияға қатысты пікір білдірді. Ведомство бас­шы­сының айтуынша, Кремль билігі Ук­раина аумағынан әскерін әкетсе және ке­лешекте шабуыл жасамауға кепілдік бол­ғанда ғана санкциялар алынып тасталады.

«Санкциялар атысты толық тоқ­тату және әскерді шығару, сон­дай-ақ бұдан әрі агрессия жа­сал­май­тыны жөнінде мін­деттеме алған жағдайда ғана жойылуы мүмкін», деді ол.

Лиз Трасстың сөзіне сүйенсек, Ресей қай­тадан Украина жеріне әскер енгізетіндей бол­са, шектеу қай­та салынады.

Украина президенті Воло­ди­мир Зеленский халыққа кезекті жолдауында атыс аймағындағы жағ­дайға тоқтала келе, орыс тілі жө­нінде пікір білдірді. Ол елде еш­қа­шан тілдік мәселе туындамағанын жеткізді.

«Украинада тіл мәселесі жоқ және болған да емес. Бірақ қазір тіл проблемасын Ресей өзі жасап отыр. Халқымыздың орыс тілінен безінуі үшін бәрін істеп жатыр. Өйт­кені орыс тілі Ресей халқымен байла­нысты деп есептеледі. Күн­делікті жары­лыстармен және адам өлімдерімен байланысты сезі­леді. Ресей мемлекетіміздің аума­ғында орыс­сыздандыру жүруі үшін бар­лығын жасап жатыр», деді В.Зе­ленский.

Демалыс күндері Ресей әс­кері Львов қала­сын атқылады. Облыс әкім­­шілігінің басшысы Максим Ко­зицкийдің айтуынша, Львов ма­ңында тағы үш күшті жар­ылыс ес­тілген. Львов мэрі Андрей Са­довый қалалық инфра­­қ­ұ­­ры­лым нысандары зардап шек­кенін, тұр­ғын үйлер зақымдан­бағанын жет­кізді. Оған дейін қа­лаға екі бомба түсіп, инфра­құ­­ры­лымға әжептәуір нұқ­сан кел­ген еді.

Ресейліктерге салынған шек­теу, тыйым жалғасып жатыр. Әсі­ресе орыс олигархтарына оңайға тиетін емес. Мәселен, Ұлыбри­тания үкіметі ресейлік миллиар­дер, мұнай магнаты және «Сиб­нефть» компаниясының бұрынғы президенті Евгений Швидлерге тиесілі ұшақтарды тәркіледі. Қа­зіргі таңда әуе кемелері Англия­дағы Фарнборо және Биггин Хилл әуежайларында тұр.

Ұлыбританияның көлік ми­нис­трі Грант Шаппс Украинада жазықсыз адамдар өліп жатқанда, «Путиннің достары» сән-сал­танат құрмауы керек екенін мә­лім­деді. Швидлерге лондондық «Челси» футбол клубының иесі Роман Абрамовичпен іскерлік байланысы болғаны үшін санкция салынды. Британ үкіметінің мәлі­меті бойынша оның байлығы 1,2 млрд фунт стерлингке ба­ға­ла­нады. Тәркіленген ұшақтар құны 60 млн долларға (45 млн фунт) тең.

Украина қорғаныс министрлігі таратқан мәліметтерге сүйенсек ресейлік тағы бір генерал, яғни генерал-лейтенант Яков Резанцев Херсон маңында зымыран соққы­сынан қаза тапқан. Я.Резанцев Ресей қарулы күштері 49-армия­сының қолбасшысы қызметін атқарған. Украиналық бұқаралық ақпарат құралдары генералдың Чернобаевка әуе база­сында қаза тап­қанын хабарлады. Әуежай Ресей­дің командалық пункті ретін­де пайдаланылған.

Резанцев – Украинада қаза тапқан төртінші ресей­лік ге­нерал. Дегенмен Украи­на қарулы күштері қазірдің өзінде сегіз генералдың қайтыс болғанын айтып отыр. Кейбір Батыс сарап­шылары мұндай жоғары шенді ресейлік офицерлер нелік­тен майдан шебіне жақын жүр­геніне таңғалады.

Еуропалық одаққа мүше мем­лекет­тердің басшылары Ресейдің әскери іс-қимылдары аяқталғаннан кейін Украинаны қалпына кел­тіруді қаржыландыру үшін ынты­мақ­тастықтың сенімді қорын құруға келісті. Брюссельде Еуро­одақ саммитінде бұдан да басқа мәселелер сөз болды.

«Ресей әскерінің Украинаға келтірген залалы мен ауқымды шығындарын ескере отырып, Еуро­палық одақ Украина үкі­меті­нің қажеттілігін қамтама­сыз етуге және Ресейдің ша­буы­лы аяқ­талғаннан кейін демо­кратиялық Украинаны қалпына келтіру үшін қолдау көр­сетуге дайын. Осы мақсатта Еуро­па­лық кеңес Украинамен ынты­мақ­тас­тық қорын құруға келісіп, оған ха­лықаралық серіктестерін қа­тысуға шақырады, сондай-ақ да­йын­дықты кешік­тірмей бас­тау­ға үндеп отыр», делінген мә­лім­демеде.

Саммитке қатысушылар со­нымен қатар Киевке Ливия мен Си­рияға кө­мек көрсету үшін өткі­зілген тұрақты конфе­ренция­лар сияқты халықаралық донор­­лар кон­ференциясын өткізуге уәде берді. Құжатта Еуропа­лық одақтың Украи­наға саяси, қар­жылық, материалдық және гума­нитарлық қолдау көрсетуді жал­ғас­тыратыны баса айтылған. Еуро­одақ елде­рінің көшбас­шы­лары сондай-ақ Ресей мен Бела­руське қарсы жаңа қатаң санк­ция­лар енгізуге дайын екенін хабар­лады.

Ресей әскері Киевтің солтүс­тігі­не қарай 120 шақырым жер­дегі Славутич қа­ла­сына кіріп, жер­гілікті аурухананы қарамағына алды. Сенбі күні таңертеңнен бас­тап қалада Украинаны қолдаған митинг өтті.​

АҚШ президенті Джо Бай­ден 26 нау­рызда Варшавада Украи­наның екі минис­трі – сырт­қы істер министрі Дмитрий Куле­ба мен қорғаныс министрі Алек­сей Резни­ковпен кездесті. Бұл – Ресей Украи­наға әскер кіргізгелі бері Аме­рика мен Ук­раинаның жоғары лауазымды тұлғалары арасында өткен алғашқы кездесу.

Украина қорғаныс министрінің кеңесшісі Маркиан Лубкивский британдық BBC Radio 4 радио­сына «Украина күштері Херсонды бүгін қайтарады» деп мәлімдеді. Киевте 26 наурыз кешкі сағат 8-ден бастап, 28 наурыз таңертеңгі сағат 7-ге дейін коменданттық сағат енгізілді.

Spotify сервисі Ресейден толық кететінін мәлімдеді. Google Play мен Apple Pay ресейлік «Мир» картасымен жұмыс істеуден бас тартты. Франция, Түркия мен Гру­зия Мариупольдің бейбіт тұрғын­дарын құтқару жоспарын ұсын­бақшы. АҚШ Ресейдің қорғаныс саласына қызмет көрсететін ком­панияларға санкция салады.

Ресей қорғаныс министрлігінің хабар­лауынша, Украинадағы қақтығыс басталғалы бері 1351 Ресей сол­даты қаза болған және 3825 адам жара­ланған. Алайда Украина тарапы кел­тірген мәлі­метке сүйен­сек, қазірдің өзінде қаза тапқан­дар саны 16 мыңнан асып кеткен. Батыс сарапшылары жарақат алған­дар саны 50 мыңға жуықта­ғанын айтады.

Батыс басылымдарының жа­зуын­ша, Ресей президенті Владимир Пу­тин химиялық не биологиялық қа­руды қолдануы мүмкін. БҰҰ Украи­надағы гума­нитарлық жағ­дай туралы есебін жариялады. Онда 953 бейбіт тұр­ғын қаза тап­ты, 1557 адам жарақат алды деп айтылады. Елден қашуға мәж­бүр бол­ған босқындар саны 3,5 миллион адамға жеткен.