Қазақстанның Бас прокуратурасы азаматтардың өтініштерін қарау ерекшеліктері туралы арнайы жадынама дайындады, деп хабарлайды Egemen.kz.
Бас прокуратура жадынама органға өтініш білдіргендердің мәселелерін жедел шешуге көмектеседі деп үміттенеді.
«Азаматтар мемлекеттік органдардың проблемаларын тезірек шешу үшін олардың құзыретін білуі керек. Сондай-ақ, прокурор барлық сот шешімдеріне наразылық білдіруге міндетті емес», делінген ведомство хабарламасында.
Құжатта қандай өтініштер қаралуға жататыны, ал қайсысы қаралмайтыны егжей-тегжейлі сипатталған. Оның ішінде мемлекеттік органдардың іс-әрекеттеріне (әрекетсіздігіне) және шешімдеріне, азаматтық және әкімшілік істер бойынша сот актілеріне шағымдарға, сот актілерін орындау мәселелеріне, қылмыстық істер бойынша сот актілеріне шағымдарға, сондай-ақ тергеушінің, сотқа дейінгі тергеп-тексерулер бойынша прокурордың әрекеттеріне (әрекетсіздігіне) және шешімдеріне, мекемелерге жасалған адамдарды ұстаудың заңдылығына өтініштер қылмыстық-атқару жүйесі және жазаларды орындаудың заңдылығы баяндалған.