Иранның бас шаһары – Тегеранда өтіп жатқан волейболдан ерлер арасындағы клубтық Азия чемпионатының топтық кезеңі аяқталып, ширек финалға шыққан командалар белгілі болды.
Сары құрлық додасында Қазақстанның «Тараз» клубы да өнер көрсетуде. Жерлестеріміз бірер күн бұрын топтық кезеңнің соңғы матчында Иранның Shahdab Yazd клубынан 1:3 есебімен жеңіліп қалса да, топта екінші орынмен турнирдің ширек финалына жолдама алды.
Енді қазақстандық команда жартылай финалға шығу үшін бүгін Таиландтың Nakhon Ratchasima QminC клубымен шеберлік байқасады. Сондай-ақ ширек финалда Shahdab Yazd (Иран) – South Gas (Ирак), Tehran Perykan (Иран) – Al-Bahri Sports Club (Ирак), Suntory Sunbirds (Жапония) – Al-Rayyan Sports Club (Катар) командалары өзара сынға түседі. Жартылай финал ойындары 19 мамырға, финал бәсекесі 20 мамырға жоспарланған.