Премьер-Министрдің орынбасары – Қаржы министрі Ерұлан Жамаубаев Мемлекет басшысының бағалар мен тарифтерді мемлекеттік реттеуді кезең-кезеңімен алып тастау жөніндегі тапсырмасын орындау бойынша кеңес өткізді.
Кеңес барысында Ұлттық экономика министрлігі бағалар мен тарифтерді мемлекеттік реттеуге талдау жүргізгені туралы баяндады. Монополиялық және олигополиялық нарықтарды қоспағанда, бағалар мен тарифтерді мемлекеттік реттеуден кезең-кезеңімен бас тарту тәсілдері талқыланды.
Қорытындылай келе, Е.Жамаубаев Ұлттық экономика министрлігіне мүдделі мемлекеттік органдармен бірлесіп осы бағыттағы жұмысты жеделдетуді тапсырды.