Елімізде фармацевтикалық өнімдердің бағасы 13,3 пайызға өсті, деп хабарлайды Egemen.kz.
Energyprom сарапшыларының зерттеуіне сәйкес, дәрілік заттар:
Алматыда - 17,5 пайызға; Маңғыстау облысында - 17,1 пайызға; Ақтөбе облысында - 16,7 пайызға; Жетісу облысында - 16,2 пайызға; Жамбыл облысында - 14,4 пайызға; Қызылорда облысында - 8,9 пайызға қымбаттаған.Осы жылдың қаңтар-қазан айларында елімізде дәрі-дәрмек өндірісі құны бойынша 112 миллиард теңгені құрады, бұл өткен жылмен салыстырғанда 13,2 пайызға аз.
2022 жылдың тоғыз айында Қазақстанға миллиард долларлық дәрі-дәрмек импортталды. Бұл жерде заттай импорт - 17,3 пайызға, ақшалай импорт - 25,8 пайызға өсті.
ТМД елдерінен 101,3 миллион долларға 6200 тонна дәрі-дәрмек импортталды. Негізгі көлемі Ресейге келді (4600 тонна).
Сондай-ақ ТМД-дан тыс елдерден 900 миллион долларға 12 500 тонна дәрі әкелінді. Бұл жеткізушілердің арасында Қытай (2600 тонна), одан кейін Германия мен Үндістан көш бастады.