28 желтоқсан мен 8 қаңтар аралығында Аустралияда теннисшілердің United Cup аралас командалық турнирінің тұсауы кесіледі. Бұл жарыста 18 команда бақ сынайды.
Жасыл құрлықтағы Сидней, Брисбен және Перт қалаларында өтетін дүбірлі додада Қазақстан құрамасы да өнер көрсетеді. Жерлестеріміз Польша және Швейцариямен бірге В тобында ойнайды. Республикалық теннис федерациясы таратқан мәліметке сүйенсек, аталған турнирде Александр Бублик, Тимофей Скатов, Денис Евсеев, Григорий Ломакин, Юлия Путинцева, Жібек Кұламбаева және Гозаль Айнитдинова сынды танымал теннисшілер ел намысын қорғайды.
Ал өзге топтарда мына командалар өзара шеберлік байқасады: А тобы: Грекия, Бельгия, Болгария. С тобы: АҚШ, Германия, Чехия. D тобы: Испания, Аустралия, Ұлыбритания. E тобы: Италия, Бразилия, Норвегия. F тобы: Франция, Хорватия және Аргентина.