Ақмола облысы әкімінің өкімімен Алин Алмас Аянұлы Ақмола облысының ішкі саясат басқармасының басшысы болып тағайындалды, деп хабарлайды Egemen.kz ведомствоның баспасөз қызметіне сілтеме жасап.
Алмас Алин 1977 жылы дүниеге келген. 1999 жылы О.Байқоңыров атындағы Жезқазған университетін «көркем шығарма мұғалімі» мамандығы бойынша бітірген. 2008 жылы Қарағанды «Болашақ» университетін экономист мамандығы бойынша бітірген.
Еңбек жолын Сәтбаев қаласындағы орта мектепте мұғалім болып бастаған. Бірнеше жыл әртүрлі басшылық қызметтерде жұмыс істеді.
Бұл қызметке тағайындалғанға дейін Ақмола облысы Ақкөл ауданы әкімінің орынбасары қызметін атқарған.