Бүгін алғаш рет 1 маусым балаларды қорғау күнінде 172 мың түлек үшін «соңғы қоңырау» сыңғырлады, деп хабарлайды Egemen.kz.
Жыл басында Оқу-ағарту министрлігіне қарасты Орта білім комитетінің төрайымы Гүлмира Кәрімова 1 маусымда Халықаралық балаларды қорғау күнімен қатар «Соңғы қоңырау» салтагатты іс-шарасы өтетінін айтқан еді.
Жалпы «соңғы қоңырау» алғаш рет 1948 жылы 25 мамыр күні Мәскеу қаласында өткен болатын. Содан кейін бұл мерекелік іс-шараны бірқатар елдер білім жүйесіне де енгізді.
Бұл күн қазіргі таңда Ресей, Белорусь, Қырғыстан, Әзербайжан, Украина, Армения, Өзбекстан, Түрікменстан, Грузия, Латвия сынды елдерде өтеді.
Күні бүгінге дейін аталмыш мерекені Қазақстан да тойлап келеді. Оқу-ағарту министрлігі білім жүйесіне өзгеріс енгізгеннен кейін биыл қос мереке қатар тойланып отыр.
Ерлан КИІКБАЙ,
Л.Н.Гумилев атындағы ЕҰУ студенті