Палата спикері Ерлан Қошановтың төрағалығымен Мәжіліс бюросы өтіп, алдағы жалпы отырыстың күн тәртібі нақтыланды.
Бірінші оқылымда депутаттарға Бюджет кодексінің жобасын қарау ұсынылады. Сондай-ақ бюджет заңнамасын жетілдіру және «Концессиялар туралы» заңның күші жойылды деп тану туралы түзетулер қаралады. Заң жобалары Мемлекет басшысының 2022 жылғы 1 қыркүйектегі Жолдауын іске асыру мақсатымен әзірленді. Олар неғұрлым тиімді және ашық бюджет жүйесін құруға, бюджет процесіне қатысушылардың өкілеттіктері мен міндеттерін нақтылауға және айқындауға, бюджет рәсімдерін ретке келтіруге бағытталған.
Парламент депутаттарының бастамасын әзірленген жайылымдарды пайдалану туралы заң жобасы екінші оқылымда талқыланады.
Сонымен қатар жалпы отырыстың күн тәртібінде ЕАЭО туралы шартқа электрондық нысанда қызметтер көрсету кезінде жанама салықтар алу тәртібін айқындау туралы хаттаманы ратификациялау туралы заң жобасы бар.
Депутаттар сондай-ақ кәсіподақтар туралы жаңа заң жобасын, ҚХР, ТМД және ЕАЭО аясында бірқатар халықаралық шартты ратификациялау туралы құжаттарды жұмысқа қабылдайды.