Кеше Қарағанды облысының Саран қаласында автокөліктерге қызмет көрсету орталығында өрт болды. Салдарынан 4 жеңіл көлік пен 2 мотоцикл жанып кетті, деп хабарлайды Egemen.kz.
Саран қаласындағы Макаренко көшесіндегі автокөліктерге техникалық қызмет көрсету станциясында өрт шықты.
«Жалпы алаңы 290 шаршы метрді құрайтын жалын қызмет ішіндегі 4 автокөлік пен 2 мотоциклді шарпыған. Өрт 17:41-де сөндірілді. Зардап шеккендер жоқ», деп хабарлады Қарағанды облысы Төтенше жағдайлар департаментінің баспасөз қызметі.
Анықталғандай, өрттің алдын ала себебі дәнекерлеу жұмыстарын жүргізу кезінде өрт қауіпсіздігі ережелерін бұзу болған.
Өртті сөндіруге жеке құрамның 27 адамы мен 5 техника бірлігі жұмылдырылған.