Алматыда прокурорлар «қалта ұрылары» ұйымдасқан қылмыстық тобының қызметіне тосқауыл қойды, деп хабарлайды Egemen.kz.
Прокуратураның үйлестіруімен сотқа дейінгі тергеп-тексеру жүргізіліп, ҰҚТ-ның көшбасшысы мен 11 мүшесі өткен жылдың қараша айынан бері қоғамдық көліктерді торуылдап, азаматтардың құнды заттарын ұрлағаны анықталған.
Белгілі болғандай, орташа есеппен, қаскүнемдердің күнделікті қылмыстық табысы шамамен миллион теңгені құраған.
Сот үкімімен қылмыстық топтың 9 мүшесі ұзақ мерзімге бас бостандығынан айырылды.
«ҰҚТ-ның екі қатысушысына іздеу жарияланып, оларға қатысты жеке тергеп-тексеру жүргізіліп жатыр», деп хабарлады Алматы қаласы прокуратурасының баспасөз қызметі.