Астанада 5-12 қазан күндері аралығында көру қабілеті төмен және зағип спортшылар арасында IBSA Пауэрлифтинг және жатып сығымдаудан әлем чемпионаты өтеді, деп хабарлайды Egemen.kz елорда әкімдігінің баспасөз қызметіне сілтеме жасап.
Аталған спорттық іс-шара Қазақстанда алғаш рет ұйымдастырылып отыр. Оған әлемнің түкпір-түкпірінен жиналған ең мықты спортшылар қатысады. Чемпионатқа 9 елден 71 спортшы қатысады: Қазақстан, Грузия, Украина, Түркия, Мысыр, Ливия, Чехия, Израиль, Кения. Жалпы қатысушылар саны 130 адамды құрайды, оның ішінде жаттықтырушылар, көмекшілер және төрешілер бар.
Бұл чемпионат Қазақстанда зағип спортшылар арасында пауэрлифтингтен өткізілетін әлемдік деңгейдегі алғашқы іс-шара болып саналады. Чемпионат елімізде инклюзивтікті қолдауға және мүмкіндігі шектеулі жандардың спортын дамытуға маңызды үлес қосады
Іс-шараға кіру тегін.
Чемпионат Қазақстанның пара пауэрлифтинг федерациясы мен зағип спорт ассоциациясымен ұйымдастырылып, Туризм және спорт министрлігі мен Астана қаласы әкімдігінің қолдауымен өткізіледі.