Шымкент қаласының прокуратурасы заңсыз есірткі заттарын жарнамалау фактілерін анықтап, 18 Telegram-арнасын бұғаттады, деп хабарлайды Egemen.kz.
ҚР Бас прокурорының тапсырмасын орындау мақсатында қала прокуратурасы әлеуметтік желілерге мониторинг жүргізу барысында белгісіз тұлғалардың есірткі және психотроптық заттарды насихаттау, жарнамалау және сатумен айналысқан Telegram-арналарын анықтаған.
Нәтижесінде «Кибернадзор» жүйесі арқылы есірткі заттарын жарнамалаған 18 арна бұғатталған.
Қала прокуратурасы бұл бағыттағы жұмыстарды әлі де жүйелі түрде жалғастырып жатыр.