Агросаладағы табысты келісім

Жақында ғана облыс әкімі Ер­ма­ғанбет Бөлекпаев «Қазақ­мыс» АҚ мен «Qarmet» АҚ бас­шы­лығымен бірлесіп, жергілікті кәсіпкерлерден азық-түлік өнім­дерін сатып алу туралы мемо­ран­думға қол қойды. Сол мемо­ран­дум негізінде енді Бұқар жы­рау ауданының фермерлері «Qarmet» АҚ қызметкерлерін ауылшаруашылық өнімдерімен қам­тамасыз ететін болды. Өйткені аудандағы фермерлер «Qarmet» АҚ-ға азық-түлік­ өнімдерін жеткізу туралы келі­сімге қол қойды. Келісім «Değir­men» ЖШС мен «Акнар ПФ», «Агро­фирма Азамат» ЖШС, «Нұр-Әділ» шаруа қожалықтары ара­сында жасалды.

Келісімге қол қойғандардың бірі – «Нұр-Әділ» шаруа қожалы­ғы. Шаруашылық Жаңаталап ауы­­лындағы 3 мың гектарға егін егеді. Арпа, бидайдан басқа көк­өністің түр-түрін өсіреді. Осы уақыт­қа дейін ол өнімін Астана мен Ал­матыға саудалап келген. Ке­лісімнің арқа­сында келесі жылы тауа­рын алыс­қа тасып әуре бол­май­ды. Қой­масынан артып әкетеді.

– Биылғы өніміміз берекелі болды. 3, 5 мың тонна егін, 2 мың­ тонна картоп, 500 тонна сәбіз,­ 500 тонна қырыққабат алдық. Осы­ астықтың бәрін 3 мың гек­тар­ға еге­мін. Диқандар қамбамызды толтырып қуанып жүр едік. Қуанышымыз осындай жақсы жаңалыққа жалғасып жатыр. Қазіргі нарықта өніміңді тиімді өткізе алудың өзі – үлкен шаруа. Сол уайымымызды жеңілдет­кен биліктегі азаматтарға шаруа қожалықтар дән риза. Енді келер жылға жоспарымыз көп. Президент тапсырмасына сәйкес суармалы жерді 400 гектарға ұл­ғай­тамыз. Тамшылатып суару тех­никасын аламыз деп отырмыз. Қоймамызды кеңейтеміз. Енді еш алаңсыз еңбекпен жиған көкө­ні­сімізді сонда жинаймыз. Жыл он екі ай өтетін болады. Олар асханаларына өздері алып кетіп отырады. Бұл біз үшін үлкен көмек болды, – дейді шаруақожалық басшысы Еркін Ахметов.

Тұзды ауылындағы «Агрофир­ма Азамат» ЖШС басшысы Игорь Ро­манович сәбіз өнімін өткізу бойынша келісімшартқа қол қойыпты. Шаруашылықтың иелі­гінде 2700 гектар жер бар екен. Со­ның 1000 гектарына егін салып отыр. Биыл 4 гектарға тұқым са­лып, 2000 тонна сәбіз өнді­ріп­ті. Ол осы уақытқа дейін өні­мін Қарағандыдағы әлеумет­тік дүкендер мен супермаркет же­лілеріне өткізіп келген. Компа­ниямен жасалған ортақ келісімнен соң көкөніс алқабын 10 гектарға арттырамын дейді.

Келер жылдан бастап жылына 8200 тонна құс етін өндіретін Бо­та­қара ауылындағы іргелі «Акнар ПФ» фабрикасы да өнімін алпауыт компанияға өткізеді. Кәсіп­орын директоры Виктор Колчев «Са­палы өнімімізді Алматы қаласы Ақ­мо­ла, Павлодар об­лы­сы мен Астанаға тонналап жөнел­теміз. Жергілікті өнімімізді өңірі­мізде де өткізуге болады. Осы­ған жағдай жасаған облыс бас­шы­лы­ғына алғыс айтамыз», дейді.

Ауыл шаруашылығы өнімін алпауыт кәсіпорынға жеткізуді өз мойына алған «Değirmen» ЖШС директорының орынбасары Алтын Огузхан келісімге қол қойып, құжат негізінде кедергісіз жұмыс атқаратына уәде берді.

Бұқар жырау ауданының әкімі Ерлан Құсайын жасалған келі­сім-шарттың игілігін екі тарап та көреді дейді.

– Бұл стратегиялық келісім жоғары сапалы өнімдердің тұрақ­ты жеткізілуін қамтамасыз етуге, тараптар арасындағы іскерлік байланысты нығайтуға және ауданның жергілікті өндірушілерін қолдауға бағытталған. Жасалған келісім – жоғарыдағы меморандумның іс жүзінде жүзеге асуының айқын дәле­лі. Алдағы уақытта да ауда­ны­мыздың ауыл шаруашылығы тауар өндірушілерімен осындай нәтижелі келісімдер жалғасын табатын болады, – дейді Ерлан Бейсембайұлы.

Президент Қасым-Жомарт Тоқаев биылғы Жолдауында азамат­тарды заңды түрде табыс­ты­ жұмыс істеп, болашағының қамын ойлауға ынталандыру мем­­лекеттің басты міндетінің бірі еке­ніне тоқталды. Осы орайда Үкі­мет­ке былтыр басталған «Ауыл аманаты» жобасы аясында ауыл тұрғындарына «тауар несиесін» беру мәселесін қарастыруды тапсырды. Бұл тапсырма аграрлық сала­ға қолдау көрсету мен ауыл тұр­­ғындарының әл-ауқатын арт­ты­руға бағытталған.

Тұңғыш рет тауарлық несие беруді облыста Бұқар жырау ау­даны бастады. Байыпты бағдарламаға Ақөре ауылындағы ірі «Шатан» шаруа қожалығы­ның басшысы Евгений Әпейісов қатысып отыр. Ол өзінің шаруа­шы­лығынан 15 сиырды әлеуметтік осал топқа жататын Белағаш ауы­лындағы бес отбасыға үш сиыр­дан үлестіріп берді. Малды бол­ғандардың бірі Гүлжазира Мұхтарова жалғыз өзі 4 бала тәр­биелеп отыр. Мари­на При­гляда жұмыссыз. Айжан Жал­бы­рова көпбалалы ана санатында. Бі­рінші топтағы мүгедек Ерсін Ибраев­тың да 4 баласы бар. Екі баланың әкесі Виктор Кушнеренко отбасында бір өзі ғана жұмыс істейді.

– Тауарлы несие жөнінде ауыл әкімі Аман Мұқатайұлынан естіп, өтінішімді бердім. Сиыр малында береке бар. Құрт-майының өзінен ай сайын табыс тауып отыруға болады. Сол арқылы бала-шағамның нәсібін тауып отырсам деген ниетпен тәуекел еттім. Бес жыл қатарынан үш сиырдан екі бұзау беруіміз керек. Одан кейін үш сиыр төлімен өзімізге қалады, өте тиімді, – дейді Гүлжазира Мұх­тарова.

Фермер Евгений Ерғалиұлы бас­қаратын шаруашылық мал борда­­қылау­мен айналысады. Иелі­гін­де 1000 сиыр бар. Тауарлы несиені іс­керлік қарым-қатынас бойынша былтыр бастаған көрі­неді. Шаруашылығынан 15 шақырым жер­дегі Саумалкөл бөлімшесіндегі жігіттерге былтыр 30 сиыр, биыл 100 сиыр беріпті. Енді бес жыл бойы жылда 60 бұзау алып отырады. «Маған осы үлгідегі шаруа ұтым­ды», дейді.

– Шыны керек, 1000 сиырдың қыс бойғы бейнеті, оның жем-шөбі бар, оңай емес. Биыл заңды түр­де белағаштықтармен келісім-шарт орнаттық. Әкімдік кепілдік беріп отыр. Ал өзімнің іргедегі шаруашылық иелерімен былтырдан бері осы бағытта жұмыс істеймін. Бордақымен айналысқан соң, жем-шөбіме үнем. Онымен қоса, елге де пайдам тиеді. Осы бір жоба сәтімен жалғасып жатса, әрі қарай да мал өсіремін, пайда табамын дегендер болса қолым ашық, – дейді Е.Ерғалиұлы.

Аудан басшысы алдағы уақыт­та тиімді тауарлық несиені басқа да шаруа қожалықтары қолға алатын болады дейді. «Ауданымызда бі­рінші рет беріліп отырған тауар­лық несиенің мерзімі 5 жылға дейін. Бұл екі жаққа да тиімді.

Неге десеңіз, несие берген қо­жалық басшысы 5 жыл бойы сол берген малын бағып-қағудан құ­тылады. Әр үш сиырдан жылына­ екі бұзауын алып отырады. Ал 3 сиырға ие болған отбасы олар­дың сүтін сауып, құрт-майын алып, жылына қалған бір бұзауын өсір­ген күннің өзінде белгіленген 5 жылда сол несиеге алған малын 5-6 сиырға жеткізуі де мүмкін.Тауар­лық несиеге қол жеткізген отбасылар сертификаттарын алып, та­быннан өздері сиыр таңдауға кірісті. Сәтті жобаны ірі шаруа қо­жалықтары жалғайды деген сенім бар», – дейді аудан басшысы.

Қарағанды облысы,

Бұқар жырау ауданы