Үкімет 2029 жылға қарай 400 млрд доллар жиынтық инвестиция тарту арқылы экономикалық өсудің жаңа моделіне көшуді қамтамасыз етеді. Бұл туралы Үкімет отырысында Премьер-министрдің орынбасары – ұлттық экономика министрі Серік Жұманғарин баяндады, деп жазады Egemen.kz.
Қасым-Жомарт Тоқаев: Алатау қаласы жаңа инвестициялық кезеңнің негізгі жобасы болуға тиіс
Бүгінде мемлекет инвестор шақырумен ғана шектелмей, экономикалық өсудің проактивті саясатын енгізуге көшті. Ендігі кезекте Үкімет жергілікті бизнестің сұранысына сай «инвестицияға тапсырыс» қалыптастырып, жаңа өндірістерді өрістету үшін дайын технологиялары бар шетелдік серіктестерді тартуды қолға алады. «Бұл саясаттың мәні – мемлекеттің тек инвесторларды шақыруымен ғана шектелетін модельден нақты инвестициялық жобаларды қалыптастыру мен іске қосуға мемлекеттің белсенді қатысуы моделіне көшу. Инвестиция тартудың бұл тәсілі экономика салаларының нақты қажеттіліктеріне бағытталған. Аталған жобаларды жүзеге асыру елдегі еңбек өнімділігінің орташа деңгейін арттырады, бұл «орта табыс тұзағын» еңсеру және жан басына шаққандағы жалпы ішкі өнімнің одан әрі өсу үшін қажет негізгі шарттардың бірі», деді Серік Жұманғарин.Жаңа өндірістік нысандарға қанша инвестиция тартылады?