Полицияның мәліметінше, өткен жылы 73 жастағы анасына қол көтеріп, басын жарған 40 жастағы азамат заң алдында жауап берді. Жәбірленуші өз перзентіне кешірім бергенімен, сот заң талаптарына сәйкес қатыгездік танытқан ұлын 6 жылға бас бостандығынан айырды. Бұдан бөлек, былтыр ащы суға сылқия тойған тұрғын өз әкесінің өмірін қиған.
Ресми мәліметке сүйенсек, өткен жылы өңірде тұрмыстық зорлық-зомбылық саласы бойынша 128 қылмыстық іс тіркелсе, биылғы жылдың басынан бері тағы 10 дерек анықталды. Қазіргі уақытта «Тұрмыс» іс-шарасы аясында полицейлер ішкі істер органдарының есебінде тұрған адамдарды тұрғылықты жері бойынша жаппай тексеріп, түсіндірме жұмыстарын жүргізіп жатыр.
