АСТАНА. 27 тамыз. УЕФА Чемпиондар лигасының топтық сайысына іріктеу турнирі арқылы жолдама алған барлық команда анықталды. Бұл туралы egemen.kz хабарлады.
Бүгін турнирдің плей-офф бәсекесі шеңберіндегі бес қарымта кездесу өтті. Олардың арасында АПОЕЛ – «Астана» ойыны да бар. Бұл матч 1:1 есебімен тең аяқталды. Матч туралы толығырақ мына жерден оқи аласыздар.
Сонымен бүгінгі ойындардың нәтижесі бойынша мына командалар Чемпиондар лигасының топтық кезеңіне шықты: «Астана» (Астана, Қазақстан) БАТЭ (Борисов, Беларусь), «Байер» (Леверкузен, Германия), «Манчестер Юнайтед» (Манчестер, Англия), ЦСКА (Мәскеу, Ресей).
Кеше іріктеу сыны арқылы жолдама алған алғашқы бес команданы мына жерден біле аласыздар.
Бүгін болған ойындардың нәтижелері:
АПОЕЛ (Никосия, Кипр) – «Астана» (Астана, Қазақстан) 1:1 (0:0), 0:1
Голдар: Семир Штилич 60 – Неманья Максимович 84.
«Партизан» (Белград, Сербия) – БАТЭ (Борисов, Беларусь) 2:1 (0:1), 0:1
Гол: Максим Жавнерчик 74, автогол, Иван Шапоньич 90+3 – Игорь Стасевич 25
«Байер» (Леверкузен, Германия) – «Лацио» (Рим, Италия) 3:0 (1:0), 0:1
Голдар: Хакан Чалханоглу 40, Адмир Мехмеди 48, Карим Беллараби 88.
«Брюгге» (Брюгге, Бельгия) – «Манчестер Юнайтед» (Манчестер, Англия) 0:4 (0:1), 1:3
Голдар: Уэйн Руни 20, 49, 57, Андре Эррера 63.
ЦСКА (Мәскеу, Ресей) – «Спортинг» (Лиссабон, Португалия) 3:1 (0:1), 1:2
Гол: Сейду Думбия 49, 72, Ахмет Муса 85 – Теофило Гутьеррес 36.
Еламан Қоңыр.
Дерек, сурет: egemen.kz.