Көппішінді ынтымақтастықты нығайту жолында

Ташкентте Қазақстан және Өз­бек­стан сыртқы саясат ведом­ство­лары басшыларының орын­ба­сар­лары деңгейінде Қазақстан-Өзбек­стан сыртқы істер министрліктері ара­сында консультациялар өтті. Қа­зақстан тарапынан ҚР Сыртқы іс­тер министрінің орынбасары Қай­рат Сарыбай, ал ӨР тарапынан Сырт­қы істер министрінің орын­ба­сары Бахтиер Исламов өкілдік етті, деп хабарлады ҚР СІМ-інің бас­па­сөз қызметі. Қазақстан Президенті Нұрсұл­тан Назарбаев пен Өзбекстан Пре­зи­денті Ислам Каримовтың осы жылы Ташкентте болған кез­де­суін­де қол жеткізілген уағ­далас­тық­тардың жүзеге асырылу ба­ры­сын қозғай отырып, тараптар екі­жақты және көпжақты пішіндегі ын­тымақтастықтың кең ауқымды күн тәртібін талқыға салды. Тараптар сондай-ақ 1-2 жел­тоқ­сан күндері Астанада өтетін ЕҚЫҰ Саммитіне дайындық ба­ры­сын және оны мазмұны жа­ғы­нан толықтыру жайын қарас­тыр­ды. Тараптар ЕҚЫҰ жоғарғы кез­де­сулерінің аясында талқыланатын қауіп­сіздікті нығайту, лаңкестікке, экс­тремизмге және есірткі тасы­ма­лына қарсы күрес мәселелерінде Қазақ­стан мен Өзбекстанның ұс­та­нымдары бір екендігін жеткізді. Атал­ған консультациялар жоғарғы кездесулер алдындағы өзіндік “уа­қыт салыстыру” болып табылады жә­не Астана мен Ташкенттің келі­сіл­ген ұстанымдарын ойластыруда, сондай-ақ Ұйым шеңберінде ортақ ай­мақтық мүдделерді ескере оты­рып, консенсусты кеңістікті ны­ғай­туда ерекше маңызға ие. Екіжақты пішіндегі өзара ық­пал­дастықты межелей отырып, та­рап­тар елдер арасындағы сауда-эко­номикалық ынтымақтастықтың үде­мелі қарқынын, Қазақстан-Өзбек­стан мемлекеттік шекарасын де­маркациялау бойынша атқарыл­ған жұмыстарды оң бағалады. Со­ны­мен қатар, екі елдің дипло­мат­тары сауда-экономикалық белсен­ді­ліктің алғышарты болып табылатын 2007-2016 жж. арналған екі елдің Экономикалық ынты­мақ­тастық стратегиясы ере­же­ле­рі­нің маңыздылығын ерекше атады. Келіссөздер нәтижесі бойынша тараптар Қазақстан мен Өзбекстан ха­лықтары арасындағы қарқынды дамып келе жатқан ағайындық қа­тынастар бұдан кейін де бүкіл Ор­та­лық Азия аумағының тұрақты да­муына негіз болатынына сенім білдірді.