Жеделхат

Баспасөз-2011 Жеделхат

Құрметті Сауытбек Абдрахманұлы!

Ұлылар салған сүрлеумен бү­гін­де шыға бастағанына 91 жыл бол­ған, өзіңіз басқарып отырған Ота­нымыздың бас басылымы «Еге­­­мен Қазақстанның» шығар­ма­шы­лық ұжымын Тәуелсіздік күнімен шын жүректен құттық­тай­мын! Біз өз­гесін айтпағанда, «Егеменді» тәу­елсіздік шежіресі мен талаптарын, мемлекетіміздің қаз басып, қалып­та­су кезеңі мен өсіп-өрлеу жол­да­рын объективті түрде жан-жақты, түбегейлі жа­зып келе жатқан па­ра­сатты ба­сы­лым ретінде де құрмет тұтамыз.  Тәуелсіздік – қасиетті де қас­тер­лі, биік те бедерлі ұғым. Оның қа­дыр-қасиеті мен қоғамдық өмір­де қандайда бір болмасын құн­дылықпен салыс­тыруға еш келмейтін артық­шылы­ғын, керек кезінде оны көздің қарашығындай қорғау қажеттігін жеріне жеткізе жазып келе жатқан «Егемен Қазақстан» бізге со­нысымен де қымбат. Алдағы жылы елімізде тәуел­сіздіктің жиырма жылдығы кеңі­нен  аталып өтілмек. Тәуел­сіздіктің бір тірегі – мемлекеттік тіл десек, оның ту ұстаушысы да «Егемен» бастаған ұлттық тілімізде шығатын басылымдар бол­мақ. Бұл орайда да аға газе­ті­міздің орны қашан да бөлек деп білеміз. Бүгінде өндірістік-инновациялық өңірге айналып отырған Ақжайық аты­рабының жұртшылығы Тәуел­сіз­дік күні қарсаңында осы тәуел­сіз­діктің тұңғыш жаршысы бола білген «Егемен Қазақстанның» 11 500 данасына жазылғанын сізге үлкен қуанышпен хабар­лай­мын. Облыс­та тұратын қазақ отбасыларының санына шаққан­да бұл рес­публикадағы өте жо­ғары көрсеткіш екенін де наза­рыңызға сала кеткенді жөн санаймын. Біз мұны батысқазақстандық оқырмандардың «Егемен Қазақ­стан­ға» деген сый-құрметі деп есептейміз. Облыста бас басы­лымға жазылу одан әрі жалғасуда. Құрметпен, Б.ІЗМҰХАМБЕТОВ, Батыс Қазақстан облысының әкімі.