Шымбұлақтағы шай

Алматының әкімі Ахметжан Есімов еліміздің БАҚ басшы­ла­рын, журналист қауымның белгілі өкілдерін Жаңа жыл қар­са­ңында Шымбұлаққа дәстүрлі шайға шақырды. Теңіз дең­гейі­нен 2260 метр биіктегі тау шаң­ғысы курортына «Медеу» бекетінен отырып, төрт жарым шақы­рымдық аспалы жолдың төрт кісілік жайлы кабинасынан Іле Алатауының ақ қар жапқан шыршалы сұлу беткейлерін шола, сұсты құзар шыңдарын бетке ала, межелі жерге жақсы жеттік. Шай үстінде ару қала Алма­ты жай­ын­да әдемі әңгіме өрбіді. Бүгіні. Болашағы. Алматы­лық­тар­дың өмірін жақсарту орай­ын­да атқарылып жатқан істер жай­ында. Иә, әкім айтса айтқандай-ақ, кө­шелер көр­кейтілуде, жо­лай­ырықтар көбейе түсу­де, қала ішіндегі автобустар газ отынына көшірілуде. Шығыс айналма жолының іске қосылуы да ша­һарды мыңдаған мәши­не­лерден босатып, тынысты кәдімгідей кеңітіп тастады. Алматының сәулетіне қоса дәулеті де артуда. Республика бюджеті кіріс қоржы­нының төрт­тен бірін оңтүстік астана береді десек, қаржы-эко­но­микалық әлеуетті осының өзі-ақ көр­сет­пей ме. Ахметжан Смағұл­ұлы­ның айтуынша, келер жылы 30 мың адамды жұмыспен қам­ти­тын жобалар жүзеге асатын кө­рінеді. Өтіп бара жатқан жыл­дың да абы­ройлы тұғырлары мол. Алматыдағы Азиада ны­сандары тү­гел­дей әзір тұр. Бұған осы жақында ғана тікелей теле­көпірде «Шымбұлақ» тау шаң­ғысы курортын қабылдаған күні Президент Нұр­сұл­тан Назарбаев разылықпен жоғары бағасын бер­ді. Елбасы Алматыда атқарылып жатқан оңды іс­терге әркез оң қабақ танытып жүргеніне бәріміз куәміз. Осы жайларды баяндай келе, әкім журналистерді Жаңа жыл­мен құттықтап, көптеген сұрақ­тарға жауап берді. Соны­мен бірге, еліміздің биік беделі мен мерейін, мықтылығы мен мүм­кін­шілік әле­уе­тін бар әлемге паш еткен Астана Саммитіне ерекше тоқталды. Өз тарапынан журналистер де Ал­ма­тыны аялау тұр­ғы­сындағы өз ойларын ортаға са­лып, А.Есімов мырзаға ақ ниетті лебіздерін білдіріп, табыс тіледі. Осылардың қатарында ел газеті «Егеменнің» де тілегі айтылмай қалмады. Ол тілек мынадай болатын: Ахметжан аға, ару қалаңыз Алматы, Әлемге тарап, аңыз боп кеткен елге аты. Қияға салып, қиынның бетін қайтарған – Елбасымыздың өзіңіз сардар солдаты. Алатау асқақ, аспаннан мейір нұр құлап, Аспалы жолы арқардай жүйрік құлдырап. Азиаданы асыға тосып әзір тұр, Мақтанышымыз біздің – Медеуіміз бен Шымбұлақ. Саммиттен соң да асулар бар ғой сан әлі, Жарқырап жансын Алматы шаһар алауы. Азиадада жеңісті күндер жалғасып, Жаңа жылда да жұлдызыңыз болсын жоғары!