Бүкілресейлік қоғамдық пікірді зерттеу орталығы жүргізген сауалдамаға қарағанда, ел үкіметінің жетекшісі Владимир Путин биыл да Ресейде жыл саясаткері атанды.
Сауалдамаға қатысқандардың 55 пайызы осындай пікірде. Ал президент Дмитрий Медведев 37 пайызбен екінші орында. Ол өткен жылдағыдан біршама көтеріліпті. Үшінші орында – ЛДПР көсемі Владимир Жириновский.
Тимошенко үй қамағында
Өзінің мәлімдеуінше, Украинаның бұрынғы премьер-министрі Юлия Тимошенко прокуратурада тергеуде болғаннан кейін үй қамағына алыныпты. Киевте пәтері болмаған соң, Днепропетровскіге барып, сонда күн сайын тіркеліп отыратын көрінеді.
Тимошенкоға Киото қаулысына сәйкес бөлінген қаржыны басқа мақсатқа жұмсаған деген айып тағылыпты. Ешқашанда моюды білмейтін бұрынғы премьер-министр бұл қаржыны жеке басыма пайдаланған жоқпын, зейнеткерлерге бердім деп ақталады.
Қайда атса да оғы жетеді
Пәкстан орта қашықтық баллистикалық зымыранын сынақтан ойдағыдай өткізді. Енді олар 1,3 мың шақырым қашықтықтағы жау нысанын жоя алады.
Осыған байланысты елдің ресми орындары енді Пәкстанда баллистикалық зымырандардың барлық түрі – шағын, орта және алыс қашықтыққа ататын түрлері барлығын мәлімдеді. Тек атысатын жау болмай-ақ қойсын деп тілейік.