Павлодарда тұрғын үй құрылысына 2,2 млрд. теңге бөлінді

ПАВЛОДАР. 25 мамыр. Павлодарда жергілікті бюджеттен тұрғын үй мен жатахана құрылысына 2,2 млрд. теңге қаржы бөлінді. Осыған орай облыс әкімдігі мен «Орталық-Азия отын-энергетика компаниясы» акционерлік қоғамы арасында бизнестің әлеуметтік жауапкершілігі шеңберінде өзара тиімді әріптестік туралы меморандумға қол қойылды. Бұл туралы egemen.kz тілшісі хабарлайды. Павлодар облысының әкімі Бақауов Болат пен кәсіпорынның директорлар кеңесінің төрағасы Еркін Әмірханов қол қойған құжат өңірдің дамуына, «ПАВЛОДАРЭНЕРГО» акционерлік қоғамы кәсіпорынының жұмысшыларына қажетті тұрғын үй бағдарламасын жүзеге асыруға бағытталады. «Орталық-Азия отын-энергетика компаниясы» облыс орталығында жалпы ауданы 9 692 шаршы метрді құрайтын көп қабатты тұрғын үй, студенттерге арналған 200 орындық жатақхананың құрылысын қаржыландырады. Облыс әкімдігі өз тарапынан жер учаскесін бөлу, құжаттарды рәсімдеу, инженерлік-коммуникациялық инфрақұрылымдарды тартуға қолдау көрсетеді. Компания облыс орталығындағы «Энергетик» профилакторийін, «Электроник» балалар сауықтыру лагерінің қызметіне қолдау көрсетуде. Айта кетейік, аталған компания еліміздегі «Каустик», «Қазақстанның ЭксимБанкі», «Астана-Инвест» инвестициялар үйі» секілді бірнеше акционерлік қоғамдарының акцияларына ие. Фарида Бықай Дерек: egemen.kz. Фото: Валерий Бугаев.