АСТАНА. 25 мамыр. Бүгін Ресейде Украинаның әскери қызметшісі Надежда Савченко бостандыққа шықты. Бұл туралы ТАСС дерегіне сүйенген egemen.kz тілшісі хабарлады.
Ол Украинаның Донецк облысында Ресей журналистері Игорь Корнелюк пен Антон Волошинді өлтіріп, олардың әріптестеріне қастандық жасаған деген айыппен 22 жылға сотталған болатын.
Бүгін Савченко Дондағы Ростов қаласынан Киевке ұшып келді. Ол Украина мен Ресей президенттерінің тұтқынға түскен әскери қызметшілерді алмасуы бойынша келісімі негізінде бостандыққа шықты. Украина болса, Ресейдің бас барлау басқармасының қызметкерлері Александр Александров пен Евгений Ерофеевті қамаудан босатты.
Дастан Кенжалин.
Дерек, фото: Reuters агенттігінің Twitter әлеуметтік желісіндегі парақшасы.
