Міндеттер белгіленді

29 қаңтарда Премьер-Министр Кәрім Мәсімовтің төр­ағалы­ғымен Үкімет отырысы өтті. Премьер-Министр Мемлекет бас­­шысының Парламент пала­та­ла­рының бірлескен отырысында Қа­зақстан халқына Жолдауында жүк­телген міндеттерді іске асы­руға дереу кірісу қажеттігін атап көрсетті. К.Мәсімов Ауыл шаруашылы­ғы министрлігіне Индустрия және жаңа технологиялар, Экономи­ка­лық даму және сауда министрліктерімен бірлесе отырып, екі апталық мерзімде мал шаруашылығын да­мы­ту жөніндегі жобаны іске асырудың тетіктері мен кезеңдері бойынша ұсыныстарды енгізуді тап­сырды. Индустрия және жаңа технологиялар министрлігіне эко­номикалық даму және сауда, Мұ­най және газ, Қоршаған ортаны қорғау министрліктерімен бірлесіп, 1 шілдеге дейін Үкіметтің қара­уы­на энергия тиімділігін арттырудың кешенді жос­парын әзірлеп, енгізу тапсырды. Экономикалық даму министрлігіне облыстар мен Астана және Алматы қалалары әкімдерімен бірлесіп, ағымдағы жылдың 1 шілдесіне дейін үдемелі индустриялық-инновациялық даму бағдарла­ма­сын іске асыруды және эконо­ми­каның өсім нүктелерін қамтамасыз етуді ескере отырып, аумақтарды дамыту бағдарламасының жобасын Үкімет қа­рауына енгізу тапсы­рыл­ды. Со­нымен қатар, 2011 жылдың 1 сә­уіріне дейін халықты сапалы ауыз сумен қамтамасыз етудің жаңа бағ­дар­ламасының жобасын енгізу де жүктелді. Білім және ғылым министрлігіне екі апталық мерзімде кәсіптік-техникалық ма­ман­дарды даярлау жөніндегі ұлттық кеңестің құрамы және оның 2011 жылғы жұмыс жос­пары жө­нінде ұсыныс­тар енгізуді тап­сыр­ды. Денсаулық сақтау министрлігіне бір ай мерзім ішінде Үкіметтің қарауына халық­тың мақ­сат­ты топ­тарының ара­сында ұлттық скринингтік зерттеулер жүргізудің жос­парын енгізу тапсырылды. Бір ай ішінде көліктік медицинаны да­мыту, оның ішінде 50 автоемхана, жолдағы дәрігерлік-құтқару бекеттері және санитарлық авиацияны 16 тікұшақпен толық­ты­руға қа­тыс­ты нақты ұсыныстарды енгізу жүк­телді. Мәдениет министрлігіне Тілдерді қолдану мен дамытудың  2011-2020 жылдарға дейінгі мемлекеттік бағ­дарламасын жүзеге асыру жөнін­дегі іс-шаралар жоспа­рын әзірлеуді тездету тап­сырылды. Сондай-ақ, министрлікке екі апта мерзім ішінде еліміз Тәуелсіздігінің 20 жыл­дығын тойлау жөніндегі жал­пыұлттық іс-ша­ралар жос­парын жүзеге асырудың тетіктері, оның ішінде мерей­той­лық шараларға инвесторлар мен отан­дық бизнес өкілдерінің қатысуы мә­селелері бойынша ұсыныстарды енгізу тап­сырылды. Еңбек және ха­лықты әлеу­меттік қорғау министрлігіне тиісті мемлекеттік органдармен бір­лесіп, 2011-2020 жылдарға дейінгі жұ­мыспен қамтудың түбе­гей­лі жаңа бағ­дарламасын әзірлеу жүк­телді. Қаржы министрлігіне бір ай мерзімде Қаржы қадағалау агенттігімен бірлесе шағын несиелендіру құрал­дарына қолжетімділікті кеңей­ту­ге бағыт­талған кешенді іс-шаралар жөнінде ұсыныстар әзірлеп, енгізу тап­сырылды. 2011 жылдың 1 сәуі­ріне дейін шағын несиелендіру те­тіктерін жетілдіруге бағытталған заң­дардың жобасын Үкіметтің қа­рауына енгізу, Қаржы және Ауыл шаруа­шылығы министрлеріне қол­же­тімді шағын несиелендіруді Ауыл шаруа­шы­лығының өзекті мә­се­ле­лерімен сабақтастыруды жүктеді. К.Мәсімов Мемлекет басшы­сының Жолдауындағы тапсырма­ларды орындау жөніндегі 2011 жыл­ғы Жалпыұлттық іс-шаралар жос­парын қысқа мерзімде әзірлеу қа­жеттілігін атап өтті. Венера ТҮГЕЛБАЙ.