Еліміздің кейбір аймақтарында жел күшейіп, жаңбыр жауады

АСТАНА. 1 маусым. Қазақстан аумағының басым бөлігінде атмосфералық фронтальды бөліктердің өтуіне байланысты кей жерлерде жаңбыр жауып, найзағай болады. Желдің күшеюі күтіледі, шығыста бұршақ жаууы ықтимал. Тек республиканың солтүстік-батысында жауын-шашынсыз болады.Бұл туралы inform.kz-ке сілтеме жасаған egemen.kz тілшісі хабарлады. Синоптиктердің хабарлауынша, Шығыс Қазақстан облысының кей жерлерінде жел 15-20 м/с-ге күшейеді, күндіз бұршақ болуы ықтимал. Алматы, Жамбыл, Маңғыстау, Атырау облыстарының кейбір жерлерінде найзағай кезінде жел 15-20 м/с-ге күшейеді. Батыс Қазақстан, Ақтөбе, күндіз Қостанай, Қызылорда, Оңтүстік Қазақстан облыстарынжа желдің жылдамдығы 15-20 м/с-ге барады. Солтүстік Қазақстан, Қарағанды облыстарының кей жерлерінде тұман күтіледі, жел 15-20 м/с-ге соғады. Сонымен қатар, Павлодар, Ақмола облыстарының кей жерлерінде тұман күтіледі. Ақмола, Қостанай, Солтүстік Қазақстан облыстарының кей жерлерінде 3 градусқа дейін үсік жүреді. Ал Қызылорда облысының аумағында өте жоғары өрт қауіпі күтіледі. Талғат Райымбек. Дерек: inform.kz. Фото: el.kz.