Сәкенге арналған энциклопедия

Қарағандыдағы «Болашақ» уни­верситеті, Орталық  Қазақстан гу­манитарлық ғылыми-зерттеу инс­титутының шығармашылық тобы әзірлеген бұл бірегей басылым жақында оқырман қауым қолына тиді. Оның басты арқауы – қайсар қаламгердің, көрнекті қайраткер­дің әдебиеттегі, қоғамдық-саяси өмірдегі күрескерлік іс-қызметіне тығыз байланысты дерек-мәлі­мет­терді толық топтастыруға, барлық туы­ндыларының туу, жазылу т­а­рихын жан-жақты таныстыруға арналған. Сонымен қатар жұрт­шылыққа жақсы танымал «Абай, «Шәкәрім» энциклопедия­ларын­дағыдай өмір сүрген ортасындағы әріптестері, туған-туыстары, дос-жарандары, аялаған арулары, өзін­дік ізденісте, ұстанымда, идеялық ой-мақсатта пікірі үйлескен-үй­лес­пеген тұлғалар, шығарма­ларын­да бейнеленген кейіпкерлер, ондағы суреттелген жер-су атау­лары тура­лы мұқият баяндалады. Бұл ретте кітаптың бас редакторы,  заң ғы­лым­дарының докторы, профессор Нұрлан Дулатбеков ұйыт­қылық еткен жергілікті әде­биетші, тарихшы, өлкетанушы ға­лым­дар тобының ыждағатты зерт­теу­лері­нің елеулі еңбекке қосыл­ған бір үлесі ретінде бағалауға болар еді. Сәбит Мұқанов, Есмағамбет, Ысмайылов, Серік Қирабаев, Тұр­сынбек Кәкішев сынды сәкен­тану­шылардың әр жылдарда жа­рия­лан­ған мақалаларымен ашы­лып, одан әрі тақырып ауқымы жо­ғарыда аталған жайларға қа­тыс­­ты­рылып өрілген энциклопе­дия­ның атына заты сайлылығына қай оқырман да көз жеткізе алады. Ұлтымыздың аяулы арысы жөнін­де жазылған, зерттелген ең­бектер аз еместігін білеміз. Со­лардың шо­ғырлы ортасында осы­нау туындының жөні де, мәні де бөлек боларына сенім бар. Сөз орайында айта кетсек, Сә­кен­ге арнап  энциклопедиялық ба­сы­лым шығару жөнінде ой тас­таған Парламент Се­натының де­путаты Оралбай Әбді­кәрімовтің өзі де редакциялық алқаның мү­шесі ретінде көлемді де күрделі еңбектің са­палы дайындалуына үлес қосыпты. Осындай үлкен бір еңбекті бітіріп, қанаттанған  «Болашақ» университеті жанындағы шығар­машылық топ алға жаңа мақ­саттар қойып отыр десек, кезекті ізденіс Бұқар жырау, Қаз дауысты Қазыбек би туралы энциклопедия әзірлеуге бағытталған. Қазір сол ниеттегі іс басталып та кетті. Айқын НЕСІПБАЙ. Қарағанды.